Россия Украина асирлигидан 193 нафар ҳарбий хизматчисини қайтариб олди, эвазига Украина Қуролли кучларининг 193 нафар ҳарбий асири Киевга топширилди, дея маълум қилди Россия Мудофаа вазирлиги.
Қайд этилишича, АҚШ ва БАА асирлар алмашинувида воситачилик қилган.
Украина президенти Владимир Зеленский Россия билан “193 га 193” форматида асирлар алмашинуви амалга оширилганини тасдиқлади.
Ҳозирда россиялик ҳарбийлар Беларус ҳудудида бўлиб туришибди, яқин вақт ичида улар ватанига олиб келинади.