Бу ҳақда Сирдарё вилояти ФВБ Ахборот хизмати томонидан «Sirdaryo Xabarlari»га хабар берилди.
"Боёвут туманида содир бўлган ёнғин натижасида яшаш уйининг тахминан 104 кв.м майдони зарарланган, 400 кв.м майдони сақлаб қолинди", — дейилади хабарда.
Хабарга кўра, бугун 20 июнь куни соат 12:50да Боёвут тумани, Фарход маҳалласидаги хонадонлардан бирида ёнғин содир бўлган. Ёнғинга жами 4 та ёнғин-қутқарув экипажлари жалб этилган бўлиб, дастлабки экипаж ёнғин жойига соат 12:55 да етиб борган ва ёнғин соат 13:40да батамом ўчирилган. Ёнғиндан яшаш уйининг 104 кв.м майдонидаги том ва шифт қисми зарарланган. Кўрилган саъй-ҳаракатлар натижасида яшаш уйининг 400кв.м майдони сақлаб қолинган.
Ёнғин натижасида инсонларнинг тан жароҳати олиши ва ҳалок бўлиш ҳолатлари кузатилмади. Ёнғин сабаби ва моддий зарар миқдори аниқланмоқда.