Тошкентда 8, 9 ва 10-синф ўқувчиларига нисбатан жиноий иш қўзғатилди

11 февраль куни Олмалиқ шаҳридаги 23- умумий ўрта таълим мактабида ушбу мактаб ўқувчилари томонидан «автотранспорт воситачисини олиб қочиш» жинояти бўйича муҳокамаси ўтказилди.

Йиғилиш вилоят ИИББ бошлиғининг ўринбосари бошчилигида, ҳокимлик, ХТБ, маҳалла ва бошқа ташкилот масъуллари ҳамда ўқувчи ёшлар иштирокида бўлди.

Тафсилотларга кўра, 6 февралдан 7 февралга ўтар кечаси шаҳар «Ғ.Ғулом» МФЙда яшовчи М.О. га тегишли бўлган Nexia русумли автоулов мактаб ўқувчилари томонидан олиб қочилган. ИИБ ходимлари томонидан олиб борилган тезкор-суриштирув тадбирлари давомида ўғирланган автоулов «Қора лола» қабристони ёнидан топилган. Ачинарлиси, ушбу жиноят 23-мактабнинг 8, 9 ва 10-синф ўқувчилари Д.Х., С.Т. ҳамда М.У.лар томонидан содир этилган бўлиб, бугунги кунда бу ёшларга нисбатан жиноят иши очилган.

Кенг жамоатчилик иштирокида ушбу жиноятнинг келиб чиқиш сабаблари ва омиллари муҳокама этилиб, бу каби ҳолатларга йўл қўймаслик бўйича хулоса қилинди.