Парижда динозавр скелети 3 миллион еврога сотилди

Парижда сотувга қўйилган аллозавр скелети уч миллион еврога сотилди. Бу Друо савдо уйидаги лотнинг асл нархидан икки баравар юқори, деб хабар берди Euronews.

Суягининг 70 фоизга яқини сақланиб қолган, скелетнинг баландлиги уч метрдан ошиқ ва узунлиги ўн метрга яқин. Динозавр скелети 150 миллион йилни ташкил қилади. Энг катта йиртқичлардан бирининг скелетини сотиб олган шахснинг исми ошкор қилинмаган.

Мутахассисларнинг таъкидлашича, сўнгги пайтларда динозавр суякларига қизиқиш кучайган. «Бундай нарсаларни сотиб олишга қизиққан хусусий музейлар жуда кўп, чунки улар жуда қизиқарли ва ноёб экспонатлардир. Бундай скелетни ўз уйларида сақламоқчи бўлган хусусий харидорлар ҳам қизиқиш билдиришган», - деди аукцион аукционери Александр Жикелло.

Эслатиб ўтамиз, динозаврларга қизиқишни ўтган ҳафта Нью-Йоркдаги Christie's ким ошди савдосида ўрнатилган рекордда хам кўриш мумкин. Жанубий Дакотадаги Блэк Ҳиллс геологик тадқиқотлар институтида сақланган Стэн номли тираннозавр 32 миллион долларга сотилган.