Зеленский: "Вашингтон ҳали Киевнинг илтимосига жавоб бермади"

Украина президенти Владимир Зеленскийнинг маълум қилишича, АҚШ Конгресси ҳам, Оқ уй ҳам унинг Киевга ҳаво мудофааси ўқ-дориларини етказиб беришни кўпайтириш ҳақидаги хатига ҳали жавоб бермаган.

Бу ҳақда Украина раҳбари CBS телеканалига берган интервьюсида айтиб ўтди.

Аввалроқ Зеленский АҚШ президенти Дональд Трамп ва АҚШ Конгрессига Украина Қуролли Кучлари учун ўқ-дорилар етишмаслиги ортиб бораётгани сабабли улар учун ҳаво мудофааси тизимлари ва ракеталарини етказиб беришни кўпайтиришни сўраб хат ёзган эди.

"Мен Оқ уй ва АҚШ Конгрессига хат юбордим ва улар тушуниб, жавоб беришларига умид қиламан", деди Украина президенти.