Зеленский: "Украина йилига 10 миллиард кубометр газ олиши мумкин"

Украина Президенти Владимир Зеленский Вертикал газ йўлаги бўйича техник ишлар йил охиригача якунланишига умид билдирди.

Зеленский бу ҳақда Болгария Бош вазири Андрей Гюров билан қўшма матбуот анжуманида маълум қилди.

Зеленский Украина фаол энергия йўлагини таъминлаш учун фаол иш олиб бораётганини таъкидлади: "Умид қиламизки, бу йўлак йил охиригача техник жиҳатдан тайёр бўлади. Ва бу биз учун бугун жуда муҳим; ҳеч бўлмаганда, Европадан таъминот узилишлари юзага келган тақдирда у альтернатива бўлиб хизмат қилиши мумкин. Ушбу йўлак туфайли Украина йилига тахминан 10 миллиард кубометр газ қабул қила олади".

У шунингдек, Болгарияга Украинанинг келажакда Европа Иттифоқига қўшилишини қўллаб-қувватлагани учун миннатдорчилик билдирди.

Аввалроқ Зеленский Украина ва Болгария 10 йиллик хавфсизлик шартномасини имзолаганини эълон қилган эди.