Зеленский Туркия Ташқи ишлар вазирини орден билан тақдирлади

Украина Президенти Владимир Зеленский Туркия Ташқи ишлар вазири Ҳакан Фидан билан учрашди.

Зеленский бу ҳақда ўзининг Телеграм-каналида ёзди.

"Мен Туркия Ташқи ишлар вазири Ҳакан Фидан билан учрашдим ва унга 2-даражали "Хизмат кўрсатгани учун" ордени билан тақдирладим. Мен Туркия ва шахсан вазирга тинчлик ўрнатиш (Россия-Украина можаросида) борасидаги ишлари учун миннатдорман ", дейилади постда.

Украина раҳбарининг сўзларига кўра, томонлар ҳозирги дипломатик вазият ва тинчликка эришиш учун саъй-ҳаракатларни кучайтириши мумкин бўлган қадамларни муҳокама қилишди.

"Мен шунингдек, вазирга жанг майдонидаги вазият ҳақида маълумот бердим ва у турли даражалардаги дипломатик алоқалари ҳақида гапирди. Албатта, биз икки томонлама муносабатлар ва Украина ва Туркия ўртасидаги эркин савдо шартномасини амалга оширишни ҳам муҳокама қилдик. Умид қиламизки, мамлакатларимиз ўртасидаги савдо фақат ошади. Ташрифингиз ва ҳамкорлик қилишга ва тинчлик ўрнатишга тайёрлигингиз учун ташаккур", деб хулоса қилди Зеленский.