Украина президенти Владимир Зеленский Россия президенти Владимир Путин билан икки томонлама учрашув ўтказиш имкониятини истисно қилмаслигини билдирди. Бу ҳақда Украина раҳбари ABC News телеканалига берган интервьюсида айтди.
Шу билан бирга, у бундай учрашув Россия ҳудудида бўлмаслиги лозимлигини қайд этди. Зеленскийнинг таъкидлашича, “Путин бу учрашувни кейинга қолдириш учун ҳамма нарсани қилаяпти”.
Уруш тугаган тақдирда АҚШ ва Европа иттифоқчиларидан Украина учун хавфсизлик кафолатларига тўхталган Зеленский, улар фақат Украина армиясига асосланиши мумкинлигини таъкидлади.
“Менимча, президент [Трамп] бу урушни тугатишни хоҳлайди. Аммо агар биз адолатли ва узоқ муддатли тинчлик ҳақида гапирадиган бўлсак, уни шундай якунлаш керакки, ортидан ярим йил, бир йил ёки икки йилдан кейин яна тажовуз қилиш имконияти бўлмаслиги шарт. Бу нафақат урушни тўхтатиш, балки барқарор тинчликни таъминлаш ҳам муҳим”, — деди Зеленский.
"Украина уч қисмга парчаланади..."
Америка Хитойдан зўр эмаслигини тан олди
АҚШ Молия вазири Путинни музокара столига олиб келадиган сабабни айтди
