Япониядаги тайфун уч кишининг ҳаётига зомин бўлди

Япониянинг Хонсю оролининг марказий Тинч океани қирғоғида "Дуцзюань" тўфони содир бўлиши оқибатида уч киши ҳалок бўлди ва икки киши бедарак йўқолди.

Канагава ва Чиба префектуралари полицияси хабар беришича, кучли ёмғирлар натижасида юзага келган кўчкилар натижасида уч киши ҳалок бўлди ва бу кенг кўламли сув тошқинларига олиб келди.

Об-ҳаво шароити яхшиланишига қарамай, Токио ҳудудидаги кўплаб темир йўл линияларида қатнов тўхтатилган. Мутахассислар кучли ёмғирдан кейин йўллар ва ускуналарнинг ҳолатини текширмоқда.

Баъзи ҳудудларда икки кун ичида 410 мм дан ортиқ ёмғир ёғди. 20 сентябрь куни Япониянинг 1,6 миллиондан ортиқ аҳолисига хавфсизроқ ҳудудларга кўчиб ўтиш тавсия қилинди.