Япониядаги атом электр станциясида буғ сизиб чиқиши аниқланди

Фукуи префектурасида жойлашган Михама атом электр станциясида буғ сизиши аниқланди.

Бу ҳақда маҳаллий NHK телеканали хабар берди.

Маълумотларга кўра, иншоот оператори Kansai Electric Power Company (КЕРСО) ҳодиса туфайли реакторни қўлда ўчиришга мажбур бўлган.

Жароҳатланганлар ҳақида хабарлар йўқ. Оқиш атроф-муҳитга таъсир қилмади. Радиация фонида ҳеч қандай ўзгаришлар қайд этилмади. Компания ҳодиса сабабини аниқлаш учун тергов олиб бормоқда.

Михама атом электр станцияси Япония денгизи соҳилида, Хонсю оролида, Токиодан тахминан 320 км ғарбда жойлашган. Станция қурилиши 1967 йилда бошланган ва мос равишда 340 МВт, 500 МВт ва 826 МВт қувватга эга жами учта PWR реактори қурилган.

Биринчи ва иккинчи энергия блоклари 2015 йилда авария эҳтимоли борлигидан хавотирлар туфайли ишдан чиқарилган. Учинчи энергия блоки вақтинча тўхтатилди, аммо хавфсизлик тизимлари модернизация қилингандан сўнг, у 2021 йилда қайта ишга туширилди. 2022 йил сентябрь ойидан бери ушбу энергия блоки одатий ишламоқда.