Янги Зеландия суди томонидан 2019 йилда Крайстчерчдаги террористик ҳужумлар учун умрбод қамоқ жазосига ҳукм қилинган австралиялик Брентон Таррант айбини тан олишни қайтариб олиш ва суд ҳукми устидан апелляция шикояти бериш ниятида.
Бу ҳақда Radio New Zealand (RNZ) хабар берди.
Radio New Zealand (RNZ) хабар беришича, 2019 йил 15 март куни Крайстчерчдаги иккита масжидга қилинган ҳужум пайтида 51 кишини ўлдирган Таррант қайта суд қилиш учун ариза топширган. Шу ҳафта охирида бошланиши режалаштирилган суд мажлисида 35 ёшли шахс судга "қийноқлар ва ғайриинсоний қамоқхона шароитлари" уни "оқилона қарорлар қабул қила олмаслигига" сабаб бўлганини айтиши кутилмоқда. Шунга асосланиб, австралиялик суддан 2020 йил март ойида киритилган айбини тан олишни бекор қилишни сўрайди.
Агар Апелляция судининг учта судьяси Таррант айбини тан олишни қайтариб олиши мумкин деган қарорга келса, унинг иши барча айбловлар бўйича қайта суд қилиш учун судга қайтарилиши мумкин. Агар унга айбини тан олишни қайтариб олишга рухсат берилмаса, ҳукмнинг ўзига қарши яна бир апелляция суд мажлиси кейинроқ ўтказилади.
Таррант 2020 йил 27 августда шартли равишда озод қилинмасдан умрбод қамоқ жазосига ҳукм қилинди. Айбини тўлиқ тан олган австралиялик Янги Зеландия тарихидаги энг оғир жазони олди: биринчи марта судланган шахсга жазонинг тўлиқ муддати давомида шартли равишда озод қилинишни сўраш ҳуқуқи берилмади.
Қорақалпоғистондаги “Борсакелмас” қўриқхонаси фотоқопқонига қорақулоқ муҳрланди
Starlinkнинг ўчирилиши фронтдаги вазиятни ўзгартирди
Россия АҚШ таклифини рад этди
