Яман ўз худудидаги ҳусийларга қарши жанг бошлади

Яман ҳаво кучлари Санодаги Ҳусийларнинг "Ансар Аллоҳ" позицияларига зарба бериб, иккита баллистик ракета учириш мосламасини йўқ қилди.

Бу ҳақда Al Arabiya телеканали манбаларга таяниб хабар берди.

Хабарга кўра, ракета тизимлари бўйича мутахассис Рабия Жалол Абу Тураб Нуқум тоғи яқинидаги ҳаво ҳужумида ҳалок бўлган. Ҳужум қурол омборларини йўқ қилиш ва Ҳусийларнинг ракета имкониятларини бузишга қаратилган кенгроқ ҳукумат кампаниясининг бир қисми бўлган.

Ҳусийлар ва Яман ҳукумат кучлари ўртасидаги қуролли можаро 2014 йил августидан бери давом этмоқда.