Халқаро валюта фонди мамлакатларга коронавирус пандемияси келтириб чиқарган инқирозни енгиб ўтишда ёрдам бериш учун ўзининг 1 трлн долларлик захирасидан фойдаланишга тайёр, деб хабар берди “Корреспондент”.
“Аслида, фондимизнинг 75 йиллик тарихи давомида ҳеч қачон бунчалик кўп мамлакат фавқулодда молиявий ёрдамга муҳтож бўлмаган. 85 давлатнинг барчаси бир вақтнинг ўзида бизга мурожаат қилди”, - деди ХВФ раҳбари Кристалина Георгиева.
Унинг таъкидлашича, ривожланаётган давлатлар инқирозга қарши курашиш учун маблағ етишмаслиги туфайли энг кўп зарар кўрмоқда.
Унинг сўзларига кўра, 2008-2009 йиллардаги инқироз даврида вазият анча яхши бўлган.
“Биз Халқаро валюта фонди тарихида ҳеч қачон глобал иқтисодиётнинг тўхташини кўрган эмасмиз. Биз таназзулга юз тутмоқдамиз, бу глобал иқтисодий инқироздан ҳам баттар”, деди Георгиева.
Россия яна бир ҳарбий можарода иштирок этиши мумкин
Макрон: "Агар Россия ғалаба қозонса..."
Россия Арманистон учун қарор чиқарди
