2080 йилга келиб, дунё аҳолиси тахминан 15 миллиард кишини ташкил қилар экан.
***
Дунёдаги энг баланд диний ҳайкал Хитойнинг Баҳор ибодатхонасида жойлашган баландлиги 128 метр бўлган будда ҳисобланади.
***
Энг тоза денгиз - Антарктиданинг қирғоқларини ювадиган Ведделл денгизидир.
***
Сингапур – дунёдаги энг кўп жарима ва тақиқлар ўрнатилган шаҳар. Унинг кўчаларида полициячиларни деярли топиб бўлмайди.
***
Швецияда уй ҳайвонлари эгалари итларининг бўйи ўсишига қараб, норвегияликлар эса уларнинг узунлигига қараб солиқ тўлар экан.
***
Тиббиётчи олимлар бир финжон иссиқ шоколад томоқ оғриғини тинчлантириб, йўтални бостиришини исботлашган.
***
Компьютер сўзи уларни ихтиро қилинишидан бир неча ўн йиллар олдин пайдо бўлган экан. ХХ аср бошларида АҚШда компьютерлар деб арифмометр (йирик механик калькулятор)лардан фойдаланган ҳолда математик ҳисоб-китоблар билан шуғулланадиган ишчиларга нисбатан айтилган.
***
Тарихдаги энг қиммат мультфильм 1995 йилда америкалик ижодкорлар томонидан ишланган «Тарзан» мультифильмидир. Уни ишлашга 145 миллион АҚШ долларидан ортиқ маблағ сарфланган.
***
Статистикага кўра, ака-ука ва опа-сингилларсиз ўсадиган кишиларда муваффақият қозониш эҳтимоли кўпроқ бўларкан.
***
Аксириш вақтида танада рўй бераётган барча жараёнлар бир зумга тўхтаб оларкан. Ҳатто юрак ҳам.
***
Американи кашф қилган испаниялик денгизчи Христофор Колумб ернинг нок меваси шаклига ўхшаш эканлигига қаттиқ ишонган.
***
Чигирткада мол гўштига қараганда кўпроқ протеин мавжуд. Шунинг учун ҳам Жануби-Шарқий Осиё давлатларида яшовчи халқларининг таомларида ҳашаротлар овқат таркибининг 30 фоизини ташкил қилади.
***
Европа қитъасидаги энг баланд бино – «Лахта-марказ» минораси бўлиб, у Россиянинг Санкт Петербург шаҳрида жойлашган. Дунёдаги йирик компаниялардан бири «Газпром» жойлашган мазкур бинонинг баландлиги 462,7 метрни ташкил этади.
Manba: zarnews.uz