Хитойда Range Rover ҳайдовчиси ажойиб йўл билан жиноятчини ушлаб берди

Хитойда эркак ўзи минган йўл танламас машинаси билан кўлида пичоқ ушлаган жиноятчини уриб, уни зарарсизлантирди.

Ҳодиса банк ёнида содир булган. Полиция таслим булиш ҳақида буйруқ берган бўлса ҳам, жиноятчи пичоқни ўйнатиб, талабга бўйсинмаган. Шу пайтда ёндан ўтаётган Range Rover хайдовчиси унинг устига ҳайдаб, полиция учун ишни осонлаштирган.

Расмийлар айтишича, хайдовчи аралашгани — шунчаки фуқаронинг тез, ўйланмаган ҳолда қилган ҳаракати туфайли бўлган. Ҳокимият ҳали ҳам ҳайдовчининг қилган иши қонун бўйича қандай баҳоланиши ҳақида аниқ фикр билдиришмаяпти.

Адвокат эса шундай деди: хайдовчининг қилган иши ўзини ва бошқаларни ҳимоя қилиш учун қонуний ва тўғри қилинган ҳаракатдир.