Хитойда 6,9 магнитудали кучли зилзила юз берди. Натижада Буюк Хитой деворининг бир қисми вайрон бўлди, одамлар жабрланди. Бу ҳақда 9 январь, якшанба куни маълум қилинди, дея хабар беради Global times.
Маълумотларга кўра, силкинишлар шанба куни Хитой шимоли-ғарбидаги Цинхай провинциясида 10 километр чуқурликда содир бўлган. Бу аҳоли кам яшайдиган ҳудудда содир бўлганига қарамай, ер силкинишларини бир қанча йирик шаҳарлар ҳис қилган.
Ҳалок бўлганлар ҳақида хабар берилмаган, аммо тўққиз киши жароҳатланган. Саккиз киши аллақачон шифохонадан чиқарилган, бир киши ҳали ҳам шифокорлар назоратида.
Якшанба куни расмийлар Хитой шимоли-ғарбидаги Ганцу провинциясининг Шандан округида зилзила Буюк Хитойнинг икки метрини вайрон қилганини аниқладилар.
Бузилган жой Мин сулоласи даврида (1368-1644) қурилган. Aйни пайтда мутахассислар томонидан таъмирлаш ишлари олиб борилмоқда.
Украина президенти Россия билан музокараларга тайёр эканини айтди
Эрон ракеталарининг аксарияти Исроилнинг Аrrow мудофаа тизими ёрдамида қўшни давлатлар устида уриб туширилган
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
