Бугун 29 март, 2024 йил, жума

O'ZB

Хитойда иккинчи ва учинчи фарзанд учун пул тўланади

Хитойда иккинчи ва учинчи фарзанд учун пул тўланади

Хитойнинг Сичуан провинцияси, Панчжихуа шаҳри маъмурияти мамлакатда биринчи бўлиб иккинчи ва учинчи фарзанд учун ёрдам пули тўлайдиган бўлди. Бу ҳақда South China Morning Post нашри маълум қилди.

Оилаларга иккинчи ва учинчи фарзанд учун бола 3 ёшгача тўлгунча ойига 500 юан (78 доллар) миқдорида ёрдам пули тўланади. Шунингдек, иккинчи ёки учинчи фарзандга ҳомиладор аёллар бепул парваришланади. Шунингдек, маҳаллий иш берувчиларга туғуруқни рағбатлантириш тавсия этилган.

Ушбу чора Хитойда туғиш даражаси пасайиб кетгани билан боғланган. Ҳукумат туғиш даражаси пастлиги ортида меҳнатга лаёқатли аҳоли камайиб кетиши ва бунинг натижасида иқтисодиёт пасайишидан хавотирланмоқда.

“Биз турмуш сифатини яхшилашимиз, болаларни парваришлашнинг инклюзив тизимини яратишимиз ҳамда оилани режалаштириш сиёсатига мувофиқ иқтисодий-ижтимоий сиёсатни таъминлашимиз лозим”, деб айтган аввалроқ Хитой бош вазири Ли Кэцян.

Аввалроқ Хитойда туғуруқни рағбатлантириш мақсадида учинчи фарзанд кўрганлик учун жарима ва бошқа чекловлар бекор қилинганди.

Киритилди: 04:30 30.07.2021. Ўқилди: 2258 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

бир кунда ҳафтада бир ойда

Фикр билдириш учун қайдномадан ўтишингиз сўралади ва телефон ракамни тасдиклаш керак булади!