Хитой Таиланд ва Камбоджа ўртасидаги муносабатлар яхшиланишига умид билдирмоқда

Мамлакат ТИВ раҳбари Ван И Таиланд Бош вазири Анутин Чарвиракул билан учрашувда Таиланд ва Камбоджа ўртасидаги алоқалар яхшиланишига умид билдирди. Бу баёнот ўтган йили икки давлат ўртасида юз берган икки босқичли қуролли тўқнашувлардан сўнг маълум қилинди.

​Таиланд ҳукуматининг маълум қилишича, томонлар минтақавий барқарорликдан ташқари, киберфирибгарликка қарши биргаликда курашиш масаласига ҳам алоҳида тўхталиб ўтишган. Хитой ва Таиланд ушбу турдаги жиноятларга қарши курашни икки давлат учун ҳам устувор вазифа деб ҳисоблайди.