Хитой кунига тахминан 1,2 миллион баррел Эрон нефтини сотиб олмоқда

Бу ҳақда New York Times хабар берди. АҚШ санкцияларини четлаб ўтиш учун мураккаб савдо схемалари, жумладан, Малайзия қирғоқларидан нефтни бир кемадан бошқасига ўтказиш қўлланилмоқда. Тўловлар Хитой валютаси ёки криптовалютада амалга оширилади. Газетанинг хабар беришича, Вашингтон бундай битимлар билан боғлиқ йирик Хитой банклари ва молия институтларига санкциялар қўллашдан тийилмоқда. New York Times газетаси бу огоҳлантиришни Доналд Трамп маъмуриятининг АҚШ ва Хитой ўртасидаги нозик савдо сулҳини хавф остига қўйишни истамаслиги билан боғлайди. Хитой президенти Си Цзиньпиннинг келаси ой АҚШга кутилаётган ташрифи қўшимча омил бўлиши мумкин.