Вашингтонда ҳарбий самолёт ҳалокатга учради

АҚШнинг шимоли-ғарбий қисмидаги Вашингтон штатининг Якима округида ҳарбий самолёт ҳалокатга учради.

Бу ҳақда маҳаллий Fox News телеканали хабар берди.

Учувчи самолётдан сакраб чиқиб кетди ва касалхонага ётқизилган. Ҳалокат сабаби ҳали ошкор қилинмаган. Ҳалокатдан кейин самолёт ёниб кетган.

Қутқарувчилар ҳалокат жойи яқинида жойлашган Римроск кўли ҳудудидан дам олувчиларни эвакуация қилишди. Ёнғинни ўчириш учун воқеа жойига ўт ўчириш гуруҳлари юборилди.