Уханда 200дан ортиқ симптомсиз коронавирус ташувчилар аниқланди

Хитойнинг Ухан шаҳрида (Хубэй провинцияси) 14 май куни бошланган оммавий синов пайтида 200дан ортиқ асимптоматик коронавирус ташувчиси аниқланди.

10 кун ичида 11 миллион одам истиқомат қиладиган Уханда 6,68 миллионта синов ўтказилди ва 206 нафар симптомсиз коронавирус инфекциясини юқтириш ҳолати қайд этилди.

Эслатиб ўтамиз, январь ойида коронавирус тарқалишининг марказига айланган Уханда карантин жорий этилган бўлиб, у 76 кун давом этди. Эпидемия бошлангандан бери шаҳарда 50 мингдан ортиқ бемор рўйхатга олинган, 3869 киши ушбу касалликнинг қурбонига айланган.