Хитойнинг Ухань шаҳрида узоқ давом этган кучли ёмғирлар оқибатида кенг кўламли сув тошқини юзага келди. Кўчалар, турар жой массивлари ва транспорт йўлларининг бир қисми сув остида қолган.
Ухань Янцзи ва Ханьшуй дарёлари қўшиладиган ҳудудда жойлашган йирик мегаполис бўлиб, тарихан тошқин хавфи юқори бўлган шаҳарлардан бири ҳисобланади.
Мутахассисларнинг таъкидлашича, бу мавсумда ёғингарчилик миқдори меъёрдан анча юқори бўлган. Натижада шаҳарнинг дренаж тизими катта ҳажмдаги сувни ўз вақтида чиқариб юборишга улгурмаган ва бир қатор ҳудудларда сув тўпланиб қолган.
Маҳаллий ҳокимиятлар аҳолини эҳтиёткор бўлишга чақирмоқда. Қутқарув ва коммунал хизматлар сув босган ҳудудларда оқибатларни бартараф этиш ишларини олиб бормоқда.
Ўзбекистонга яна жуда иссиқ ҳаво оқимлари кириб келади
Ҳиндистонда бир кунлик миллий мотам эълон қилинди
Украинани “Русь” деб қайта номлаш таклиф қилинди
