Югуриш бўйича саккиз карра Олимпиада чемпиони, афсонавий атлет Усэйн Болт махсус самолётда вазнсизлик шароитида машғулот ўтказди. Спортчи бу ҳақда ўзининг Twitter саҳифасида маълум қилди.
Шу аснода у вазнсизлик шароитида югуриш бўйича икки нафар космонавт билан мусобақалашди ва ғалаба қозонди.
Маълумот учун, жорий йил июль ойи охирида Болт футболчига айланди. У Австралия юқори дивизионида иштирок этадиган “Централ Кост Маринерс” жамоаси таркибига бориб қўшилган.
Manba: xs.uz