Украина президенти Владимир Зеленский собиқ футболчи Андрей Шевченкони мустақил маслаҳатчи этиб тайинлаш ҳақидаги фармонни имзолади.
“Report” хабарига кўра , қарор Украина президенти девони сайтида эълон қилинган.
Андрей Шевченко Киевнинг “Динамо”, Италиянинг “Милан” ва Англиянинг “Челси” клубларида ҳужумчи сифатида ўйнаган. У 2016 йилнинг июлидан 2021 йилнинг августигача Украина терма жамоасини бошқарган. 2022 йилнинг февралида у Италиянинг “Женоа” клубини тарк этди.
