Туркиянинг балиқ овлаш кемасига ҳужум қилинди

Қора денгизнинг Туркия секторида балиқ овлаш кемасига қилинган ҳужум оқибатида бир киши ҳалок бўлди ва яна тўрт киши жароҳат олди.

Туркия Соҳил Хавфсизлик Қўмондонлиги хабар беришича, воқеа Қримнинг ғарбий қисмидаги Севастопол қирғоғида содир бўлган.

Агентлик маълумотларига кўра, "Duru 67" балиқ овлаш кемасига ҳужум қилинган ва кейинчалик чўкиб кетган.

Туркия Соҳил Хавфсизлик кемаси тиббий гуруҳ билан биргаликда ҳудудга юборилган. Марҳумнинг жасади ва ярадорлар кейинчалик қирғоқ қўриқлаш кемасига олиб кетилган.

Биринчи тиббий ёрдам кўрсатилгандан сўнг, ярадорларни Инеболу портига олиб бориш тўғрисида қарор қабул қилинди.