Туркиядаги яна бир бинода ёнғин содир бўлди

Туркиянинг Аланья шаҳрида қурилаётган меҳмонхонада юз берган ёнғин деярли назоратга олинди, уч ишчи қутқарилди, деб хабар берди A Haber телеканали.

Аввалроқ телеканал Аланьядаги кўп қаватли уйлардан бирида ёнғин келиб чиққани, аҳоли орасида ваҳима уйғотгани ҳақида хабар берган эди. CNN Türk телеканалининг аниқлик киритишича, у қурилаётган тўққиз қаватли меҳмонхона бўлиб, ишчилар ҳодиса жойида бўлган, деб хабар беради ria.ru.

“Ёнғин деярли назорат остида. Тўрт ишчидан уч нафари қутқариб олинди. Бизнинг гуруҳлар охирги ишчи билан алоқада”, дея телеканал Аланья ҳокими Усмон Тарик Ўзчеликнинг сўзларидан иқтибос келтирди.