Жорий йилнинг 31 октябрь куни оғир жароҳатлар билан «Çorlu Devlet Hastanesi» тиббиёт муассасасига жойлаштирилган Ўзбекистон фуқароси З.В. вафот этди. Бу ҳақда Ўзбекистоннинг Истанбул шаҳридаги (Туркия) Бош консулхонаси маълумот берди.
Консуллик-ҳуқуқий масалалар ҳал қилинганидан ва зарур ҳужжатлар расмийлаштирилганидан сўнг ҳамюртимизнинг жасади дафн қилиш учун ватанга юборилди.
Марҳумнинг иш жойи «Yıldız Taşlama» фабрикасидаги авария ва хавфсизлик қоидаларига амал қилмаслик бўйича тергов давом этмоқда. Бош консулхона вазиятни назоратга олди.
Консуллик ҳуқуқий департаменти марҳумнинг яқинлари ва оиласига ҳамдардлик билдирган.
Туркия, Болгария ва Руминия ҳудудида бўлиб турган фуқаролар зарур вазиятларда мамлакатнинг Истанбул шаҳридаги Бош консулхонасига (тел.: +90 212-323-20-37, +90 212-229-00-75) мурожаат қилишлари мумкин.
Ўзбекистон тиббиёти оғир жудоликка учради
Тожикистонда баҳорги муддатли ҳарбий хизматга чақирув режаси 70 фоизга бажарилди
Дин ишлари бўйича қўмита ходимлари ўртасида жанжал келиб чиқдими?
