Туркия Республикаси спорт мутасаддилари 2036 йилги ёзги Олимпия ва Паралимпия ўйинларини Истанбулда ўтказиш тўғрисида Халқаро олимпия қўмитасига ариза тайёрламоқда.
Бу борада зарур ҳужжатларни тайёрлаш учун Истанбулда Олимпия ўйинларини ташкил этиш кенгаши ижроия кенгаши раиси Вали Озан Чакир маълум қилди, дея хабар беради Халқаро олимпия қўмитаси сайти.
Чакирнинг таъкидлашича, Туркия Олимпиадани қабул қилишга тайёр ва тақдим этилажак лойиҳа Халқаро олимпия қўмитаси (ХОҚ) талабларига жавоб беради. Бу бизнинг, қолаверса, бутун турк дунёсининг орзуси. Истанбул 2036 йилги ёзги Олимпия ўйинларининг мезбони бўлишга ҳар томонлама ҳақли.
Шу ўринда айтиш лозим, Туркия 2000, 2004, 2008, 2012 ва 2020 йилги ёзги Олимпия ўйинларини ўтказишга даъвогарлик қилган эди. Бироқ омад кулиб боқмаганди.
Эслатиб ўтамиз, 2036 йилги ёзги Олимпия ўйинларини қабул қилиш борасида Миср, Ҳиндистон, Россия, Испания давлатлари ҳам қизиқиш билдирган. Бу сафар вазият қай кўринишда кечишини вақт кўрсатади.
U23 Осиё кубоги. Ўзбекистон термасининг финалдаги рақиби маълум
"Реал Мадрид"нинг Мюнхэнга борадиган футболчилар рўйхати маълум (фото)
ЕЧЛ. Ярим финал. "Бавария" "Реал" билан жанговар дуранг қайд этди
