Трампга суиқасд: судланувчи Райан Раут айбини тан олишдан бош тортди

Республикачилар партиясидан президентликка номзод Дональд Трампга суиқасд уюштиришда айбланаётган 58 ёшли Райан Раут айбини тан олишдан бош тортди.

АҚШ прокуратурасига кўра, сентябрь ойи ўрталарида Раут Флоридадаги «Трумп Интернатионал» гольф-клуби ҳудудидан оптик кўриш мосламаси билан жиҳозланган автомат билан топилган. Прокуратуранинг таъкидлашича, ўша пайтда Трамп яқин жойда гольф ўйнаган ва унинг хавфсизлик ходимлари Раутнинг буталар орасида ётганини пайқашган.

Махфий хизмат ходимлари Раутга қарата ўт очган, аммо у зарба бермаган ва у қочишга муваффақ бўлган, дейилади айблов хулосасида. Кейинроқ Раут яқин атрофдаги магистраллардан бирида ҳибсга олинган.

Раут Трампга суиқасд уюштириш, шунингдек, ўқотар қуролни ноқонуний сақлаш ва полициячига ҳужум қилишда айбланмоқда.

Душанба куни Раут судга келди, бироқ айбловларнинг бирортасини тан олмади: суд мажлиси беш дақиқага яқин давом этди. Унинг адвокатлари ҳакамлар ҳайъати томонидан суд муҳокамасини талаб қилишди.

Агар Раут Трампга суиқасд уюштиришда айбдор деб топилса, у умрбод қамоқ жазосига ҳукм қилинади.