АҚШ президенти Дональд Трамп АҚШнинг Хитойдаги элчиси Дэвид Пердьюнинг Пекинга Америка қуролларини сотиш таклифи берилгани ҳақидаги баёнотини рад этди.
Пердью аввалроқ Fox News телеканалига берган интервьюсида Трамп бошқа давлатларга Америка қуролларини етказиб бериш масаласини муҳокама қилар экан, Хитой раҳбари Си Цзиньпинга ҳам АҚШ қуролларидан сотиб олишни хоҳлайдими, деб сўраганини айтган.
Трампдан ушбу баёнотга муносабат сўралганда, у бундай масала муҳокама қилинмаганини билдирди. Президент элчи Тайванни назарда тутган бўлиши мумкинлигини тахмин қилди.
АҚШ Давлат департаменти ҳам Хитойга қурол сотиш Америка қонунчилиги билан тақиқланганини ва Вашингтонда бундай таклиф ёки режа йўқлигини маълум қилди.
Пердьюнинг баёноти Тайванда ҳам саволларга сабаб бўлди. Тайван АҚШдан қурол-яроғ олади ва Пекиннинг ҳарбий босимига дуч келиб келмоқда.
10 йилдан бери қидирувда бўлган ўзбекистонлик ИШИДчи, «Чойхона» раҳбари АҚШга экстрадиция қилинди
Нетаняху нутқи пайтида зални тарк этган давлатлар рўйхати
Раъно Шодиева учун оғир жудолик
