Трамп: Вашингтонни ҳарбий ва полиция ёрдамида «озод қиламиз»

АҚШ президенти Дональд Трамп Вашингтон шаҳрини ҳарбий ва полиция иштирокида «озод қилиш» ҳамда уни федерал назорат остига қайтаришга ваъда берди.

Американинг Truth Social платформасидаги баёнотида Трамп Колумбия округи — Вашингтондаги жиноятчилик даражаси ҳақида фикр билдирди.

«Вашингтон, Колумбия округи, дунёдаги энг юқори жиноятчилик даражасига эга шаҳарлардан бири бўлиб, кўпгина учинчи дунё давлатларидаги энг криминал ҳудудлардан ҳам юқори», — деб ёзди у.

Трампнинг таъкидлашича, шаҳардагӣ қотилликлар даражаси Мехико, Богота, Исламабод ва Аддис-Абеба каби шафқатсизлиги билан машҳур жойлардан ҳам юқори, ҳамда Ироқнинг Фаллужа шаҳридагидан деярли ўн баравар кўп.