Трамп ва Путин Жанубий Африка Республикасида бўлиб ўтадиган G20 саммитида учрашмайди

Бу ҳақда “Страна” хабар бермоқда.

Нашр маълумотига кўра, мазкур саммитда Россия делегациясига Президент администрацияси раҳбарининг ўринбосари Максим Орешкин раҳбарлик қилади.

Аввалроқ Финляндия президенти Александр Стубб АҚШ ва Россия етакчиларини ЖАРда ўтказиладиган G20 саммитида учрашишга чақирган эди.

Шу билан бирга, Доналд Трампнинг Жанубий Африкага сафари ҳам савол остида қолмоқда. Бунга Вашингтон ва Претория ўртасида оқ танли аҳоли масаласидаги келишмовчиликлар сабаб бўлмоқда.