Трамп учинчи жаҳон уруши бошланиш хавфи борлигини айтди

Трамп учинчи жаҳон уруши бошланиш хавфи борлигини айтиб, буни Украина атрофидаги вазият билан боғлади.

АҚШ президентининг огоҳлантиришича, бу контекстдаги “ўйинлар” глобал можарога олиб келиши мумкин.

"Мен аввал ҳам aйтгандим: агар барча бундай қалтис ўйинларни ўйнашда давом этса, бу учинчи жаҳон уруши билан тугайди. Биз бундай бўлишини истамаймиз", — деди Оқ уй раҳбари.

Трампнинг сўзларига кўра, АҚШ Украина-Россия можаросида тўғридан-тўғри иштирок этмаяпти, фақат музокаралар жараёни билан чекланмоқда. Шу билан бирга, у Украина ва Европа давлатлари Вашингтонни вазиятни ҳал қилишга фаол жалб қилишдан манфаатдор эканини таъкидлади.

Унинг таъкидлашича, АҚШ NATO давлатларини қурол-яроғ билан таъминлайди, бу эса кейинчалик Украинага етказилади.