Трамп Сунъий интеллект кучлари ташкил этилганини эълон қилди

АҚШ президенти Дональд Трамп ўзининг биринчи муддати давомида ташкил этган Космик кучларга ўхшаш Сунъий интеллект кучларини яратишни эълон қилди.

Трамп бу ҳақда Truth Social ижтимоий тармоқ саҳифасида ёзди.

"Биз ҳеч қандай тарзда бу ажойиб саноатнинг (СИН) ўсишига тўсқинлик қилмаймиз ёки чекламаймиз. Аксинча, биз уни қадрлаймиз, осонлаштирамиз ва унинг ўсишини кузатиб борамиз! Бироқ, биз ёмон томонларини ҳам аниқлаймиз ва буни мавжуд жиноий ва фуқаролик адлия тизимларимиз орқали жуда осонликча амалга оширишимиз мумкин. Шу мақсадда мен биринчи муддатимда катта муваффақиятга эришган Космик кучларни яратганим каби, СИН кучларини ҳам яратмоқдаман”, дейилади постда.

Трамп СИН янги саноат инқилоби эканлигини, гарчи у каттароқ ва сезиларли даражада бўлса-да, АҚШ ялпи ички маҳсулотининг 25% гача бўлиши мумкинлигини таъкидлади. “Биз Хитой ва дунёнинг қолган қисмидан олдиндамиз ва мен бу устунликни сақлаб қолиш ниятидаман!”, деб эълон қилди у.

Америка раҳбарининг сўзларига кўра, у тез орада янги тузилмага раҳбарлик қилиш учун номзод танлайди.