АҚШ президенти Дональд Трамп Россия ва Украина ўртасидаги эҳтимолий тинчлик келишувига нисбатан “ҳам реалистик, ҳам оптимистик” эканини айтди, бироқ тарафлар ҳали бундай қадамга тайёр эмаслигини таъкидлади. Бу ҳақда у CBS News телеканалига телефон орқали берган интервьюсида маълум қилди.
Трампнинг сўзларига кўра, у жараённи яқиндан кузатмоқда ва икки давлат раҳбарлари – Россия президенти Владимир Путин ҳамда Украина президенти Владимир Зеленский билан мунтазам мулоқот олиб бормоқда:
“Мен кузатяпман, кўриб турибман, бу ҳақда Путин ва Зеленский билан гаплашяпман. Нимадир содир бўлади, лекин улар ҳали тайёр эмас. Лекин шундай бўлади. Биз у ерга етамиз”, деди АҚШ раҳбари.
Унинг таъкидлашича, унинг дипломатик ёндашуви – “раҳбарларни музокара столига олиб келиш ва шахсан ўз раҳбарлиги остида тинчлик битимига воситачилик қилиш”дан иборат. Шу билан бирга, Трамп тезкор ечим топиш учун сабр-тоқат зарурлигини айтди ва бу йил бошқа тинчлик ташаббуслари орқали муайян самарага эришилганини эслатди.
Шунингдек, АҚШ президенти ўзини Тинчлик бўйича Нобель мукофотига номзод эмаслигини қўшимча қилди:
“Бу ҳақда айтадиган гапим йўқ. Мен фақат урушларни тўхтата оламан. Мен эътибор изламайман. Мен шунчаки ҳаётни сақлаб қолишни истайман”, деди Трамп.
ШҲТ саммитидан қайтган ташқи ишлар вазири ҳибсга олинди
Транспорт вазирининг биринчи ўринбосари ҳибсга олинди
"Биз нефтни қаердан сотиб олишимиз, бизга энг фойдали вариантдан келиб чиқиб ҳал қилинади"
