Трамп: "Путин Арманистон ва Озарбайжон ўртасидаги можарони ҳал қилишимга ишонмади"

АҚШ президенти Дональд Трамп Россия етакчиси Владимир Путин Вашингтон воситачилигида Арманистон ва Озарбайжон ўртасида эришилган келишувдан ҳайратда қолганини, чунки унинг ўзи ҳам ўн йилдан бери можарони ҳал қилишга муваффақиятсиз уринаётганини айтди.

Америка президенти бу баёнотни Нью-Йоркнинг Сиракуз шаҳрида тарафдорлари олдида қилган нутқида айтди.

"Президент Путин менга: Сиз бу можарони ҳал қила олганингизга ишонмайман. Мен буни ўн йилдан бери қилишга ҳаракат қилиб келмоқдаман, деди", деди Трамп.

Америка етакчиси Арманистон ва Озарбайжон ўртасидаги можаро кўп йиллардан бери давом этаётганини эслатди.