АҚШ президенти Дональд Трамп Сербия ва Косово ўртасидаги 1999 йилда тугаган жангни тўхтатганига ишонганлиги сабабли Нобель мукофотини олишга умид қилмоқда. Бу ҳақда РИА Новости хабар бермоқда.
“Бу Нобель мукофоти эканлигига аминман. Биз Косово ва Сербия ўртасидаги қирғинларни тўхтатмоқдамиз. Улар шунча йил (бир неча йил) бир-бирларини ўлдирдилар! Улар энди ўлдиришни тўхтатадилар”, деди Трамп.
Аввалроқ Трамп Сербия ва Косово иқтисодий соҳадаги муносабатларни нормаллаштиришга келишиб олгани ҳақида маълум қилганди. Шундан сўнг, Норвегия парламенти депутати Кристиан Тибринг-Гедде дунёдаги узоқ йиллик можароларни ҳал қилишга қаратилган саъй-ҳаракатлари учун Америка раҳбарини тинчлик бўйича Нобель мукофотига номзод қилиб кўрсатди.
Хабар берганимиздек, Сербия ва Косово АҚШнинг фаол воситачилиги билан иқтисодий муносабатларни нормаллаштириш тўғрисида битим имзоладилар. Музокаралар Вашингтонда бўлиб ўтди.
Шойгу уруш тугайдиган “аниқ ва шубҳасиз” санани маълум қилди
Россия ҳукумати бунга рози бўлди
Путин ва Илҳом Алиев темир йўл соҳаси фахрийлари ва ходимлари билан учрашув ўтказди
