АҚШ президенти Дональд Трамп янги фармонга имзо чекди, унга кўра муҳожирларни тиббий суғурта учун маблағи бўлмаган тақдирда мамлакатга кириш тақиқланади, дея хабар беради Associated Press.
Хабар қилинишича, иммиграцион виза олиш учун мурожаат этувчилар энди тиббий суғуртани тўлашлари мумкинлигини исботлашлари керак. Таъкидланишича, янги қоидалар чет элдан иммиграцион виза олиш учун мурожаат қилган ёки турмуш ўртоғи ёки ота-онаси АҚШ фуқаролари бўлган шахсларга нисбатан қўлланилади. Америка ҳудудида бўлган муҳожирларга ҳеч қандай таъсир кўрсатилмайди. Фармон 3 ноябрдан кучга киради.