Трамп: келаётган ҳафтада Ғазода ўт очишни тўхтатиш мумкин

АҚШ президенти Дональд Трамп Ғазо секторида, у ерда Исроил ҳужумлари давом этаётган бир пайтда, яқин кунларда ўт очишни тўхтатиш бўйича келишувга эришилиши мумкинлигини билдирди.

Бу ҳақда у Уганда ва Демократик Республика Конго ўртасидаги 30 йиллик уруш якунланиши муносабати билан Оқ уйда ўтказилган матбуот анжуманида маълум қилди.

«Ғазодаги вазият даҳшатли. Менимча, ўт очишни тўхтатиш келишувига келаётган ҳафтада эришилади», — деди Трамп журналистлар саволига жавобан.

Унинг таъкидлашича, уни тез-тез Ғазодаги вазият ва ўт очишни тўхтатиш масаласи бўйича сўрашади. Шунингдек, у яқинда бу жараёнда қатнашган айрим шахслар билан учрашганини ҳам маълум қилди:

«Мен ҳозиргина бу жараёнда иштирок этаётган баъзи шахслар билан учрашдим», — деди Трамп.

Айни пайтда Ғазо секторидаги инсонпарварлик инқирози ва зўравонликнинг кучайиши халқаро ҳамжамият томонидан кескин муҳокама қилинмоқда. Трампнинг баёноти бу можарода сиёсий ечим эҳтимоли борлигини кўрсатмоқда.