Трамп Голливуд актрисаси билан жанжаллашиб, уни телба деб атади

АҚШ президенти Дональд Трамп ўзининг Twitter’даги саҳфасида Голливуд актрисаси Бетт Мидлерни ҳақорат қилди. У актирисани телба деб атаб, Трамп айтмаган гапни адашиб унга тегишли дегани учун кечирим сўрашга мажбур бўлганини маълум қилган.

Мидлер 3 июнь куни Twitter’да пост қолдириб, унда республикачилар партиясининг 98 фоизи аҳмоқ эканлиги таъкидланган жумлани Трампга тегишли эканлигини айтгани учун ўқувчилардан кечирим сўраган.

«Бу Трампнинг гапириш услубига шунчалик ўхшаш эди-ки, мен бунинг ростлигига ишонибман», — деган актриса.

Кейинроқ яна битта пост қолдириб, ундан олинган гапларни ҳар доим текшириш кераклигини айтган. «Аксарият қисми Трампнинг ўзи томонидан яратилган ёлғонлар шунчалик кўплигидан ҳақиқитни ёлғондан ажратиб олиш жуда қийин», — деган актриса.

Актирса ва қўшиқчи Бетт Мидлер 73 ёшда бўлиб, тўрт марта «Олтин глобус» ва учта «Гремми» мукофотини олган ва икки марта «Оскар»га номзод бўлган.