Трамп: "Эронликларнинг тирик қолишининг ягона сабаби - музокаралардир"

АҚШ президенти Дональд Трамп Эроннинг ягона "козири" Ҳормуз бўғози эканлигини айтди.

АҚШ раҳбари бу ҳақда Truth Social ижтимоий тармоғида ёзди.

"Эронликлар халқаро сув йўллари орқали қисқа муддатли тинчлик товламачилигидан бошқа "козири" йўқлигини тушунмаётганга ўхшайди. Уларнинг бугунги кунда тирик бўлишининг ягона сабаби музокара олиб боришларидир!" деб ёзган Трамп.

Бошқа бир постда Америка етакчиси Эрон "жанг қилишдан кўра оммавий ахборот воситаларининг шов-шувига ва жамоатчилик билан алоқаларга қарши туришда яхшироқ" эканлигини таъкидлади.