Трамп Эронга қарши янги кучли зарбалар билан таҳдид қилди

Дональд Трамп АҚШ яқин соатларда Эронга қарши яна бир қатор “жуда кучли зарбалар” бериши мумкинлигини маълум қилди.

Трампнинг таъкидлашича, Эроннинг ҳарбий салоҳиятига катта зарар етказилган ва мамлакатнинг кўплаб мудофаа объектлари нишонга олинган.

“Қўшма Штатлар Эронга жуда қаттиқ зарба беради. Унинг денгиз флоти, ҳаво кучлари, радарлари, зенит тизимлари ва бошқа кўплаб мудофаа воситалари аллақачон йўқ қилинган”, — деб ёзди Трамп Truth Social ижтимоий тармоғида.

АҚШ раҳбари, шунингдек, Харк ороли ва Эроннинг бошқа муҳим нефть инфратузилмаси объектлари Вашингтон назоратига ўтиши мумкинлигини айтди. Унинг сўзларига кўра, айнан шу орқали Эрон нефтининг тахминан 90 фоизи экспорт қилинади.

Трамп бу ҳолат АҚШга минтақадаги энергетика бозорлари устидан каттароқ таъсир ўтказиш имкониятини бериши мумкинлигини таъкидлади.

11 июнь куни АҚШ Эрон ҳудудига ракета зарбаларини қайта бошлагани ҳақида хабарлар тарқалди. Трампнинг маълум қилишича, нишонларга 49 та “Томаҳок” қанотли ракета учирилган.

Бунга жавобан Эрон Ҳормуз бўғозини ёпиш масаласини кўтарган, аммо Вашингтон бу эҳтимолни рад этган.

Шу билан бирга, Пит Хегсет келгуси кунларда Эронга қарши янги ҳужумлар бўлиши мумкинлигини истисно қилмади.

Сўнгги баёнотлар АҚШ ва Эрон ўртасидаги қарама-қаршилик янада кескинлашиб бораётганидан далолат бермоқда.