Трамп БМТни танқид қилди

АҚШ президенти Дональд Трамп БМТ Украинадаги инқирозни ҳал қилишда етарлича фаоллик кўрсатмаганини айтди.

Тегишли пост Америка етакчисининг Truth Social саҳифасида эълон қилинди.

У глобал ташкилот кўпроқ ташаббус кўрсатиши кераклигини таъкидлади.

Оқ уй раҳбари Таиланд ва Камбоджа ўртасидаги тинчлик музокараларини шарҳлар экан, “Қўшма Штатлар ҳақиқатан ҳам ҳар қандай можарода, жумладан, Россия ва Украина ўртасида рўй бераётган фалокатда жуда кам ёрдам ва кўмак кўрсатган Бирлашган Миллатлар Ташкилоти ролини ўйнай бошлади.

Трампнинг қайд этишича, БМТ “фаол кучга айланиши ва дунё тинчлиги масалаларини ҳал қилиши” керак.

Америка етакчиси, шунингдек, Қўшма Штатлар сўнгги 11 ой ичида дунё бўйлаб саккизта қуролли можарони тўхтатган ёки ҳал қилганини таъкидлади. Унинг қўшимча қилишича, Таиланд ва Камбоджа энди аввалги келишувларга мувофиқ тинч-тотувликда яшайди. Трамп, шунингдек, ҳар икки давлат раҳбарларини муаммонинг тез ва адолатли ҳал этилгани билан табриклаб, Қўшма Штатлар ҳар доим ёрдам беришга тайёрлигини таъкидлади.