АҚШ президенти Дональд Трамп Қўшма Штатлар Венесуэлада "ҳокимиятнинг тартибли ўтишини" амалга оширмагунча қолишини айтди.
Оқ уй раҳбари бу ҳақда Флоридадаги Мар-а-Лаго қароргоҳида ўтказилган матбуот анжуманида маълум қилди.
"Биз бу мамлакатни ҳокимият хавфсиз, тартибли ва тўғри алмашгунча бошқарамиз.
Биз кимдир шунчаки Президент Николас Мадуро ўрнини босиши ва худди шу нарса билан якунланишини истамаймиз", деди Трамп. У Вашингтон ҳужумларнинг иккинчи тўлқинини бошлаши мумкинлигини таъкидлади: “Бу каттароқ бўлади ва биз тайёрмиз”.
