Трамп: "Агар келишувга эришилса, Эронга қарши ҳужумни бекор қиламан"

АҚШ президенти Дональд Трамп томонлар ўртасида тезкор келишувга эришиш шарти билан Эронга режалаштирилган зарбани бекор қилганини эълон қилди.

Трамп бу ҳақда Truth Social ижтимоий тармоқ саҳифасида ёзди.

Трамп АҚШ тўлиқ жанговар тайёргарлик ҳолатида эканлигини, аммо Эрон ва бошқа Яқин Шарқ мамлакатлари келажакдаги келишувнинг умумий шартлари бўйича келишиб олганликлари сабабли Вашингтондан ҳужумни тўхтатишни сўраганини таъкидлади.

Америка раҳбари келишувда Ҳормуз бўғозини дарҳол очиш ва Эрондан ядровий таҳдидни тугатиш кўзда тутилганини таъкидлади.

"Ушбу илтимос асосида мен тезкор келишувга эришиш шарти билан ҳужумни бекор қилишга рози бўлдим", деб ёзган Трамп.

У шунингдек, Исроил бу қарорни қўллаб-қувватлашини ва томонларни музокараларни иложи борича тезроқ якунлашга чақирганини айтди.