Кеча, 10 октябрь куни Тошкентнинг «Чинни бозори» - Қорақамиш 2/4 йўналиши бўйлаб ҳаракатланувчи «Mercedes-Benz Low Floor» русумли 87-автобусда ёнғин чиқди. Бу ҳақда Тошкент шаҳар ИИББ хабар берди.
Ёнғин соат 14:52да автобус Учтепа туманидаги Кўкча Дарвоза кўчасидан ўтаётганда содир бўлган.
Тезкор ҳаракатлар натижасида ёнғин 15:01да бартараф этилган. Ҳодиса оқибатида транспорт воситасининг мотор бўлмаси ёниб кетган.
Ҳайдовчи ва йўловчиларга зарар етмаган. Ёнғинга автобуснинг ёқилғи тизимидаги бузилиш сабаб бўлгани тахмин қилинмоқда.
Manba: zamin. uz
Ўзбекистон тиббиёти оғир жудоликка учради
Сирдарёда аёл ва унинг фарзандларини ўлдириб, уйни ёқиб юборишди
Шавкат Мирзиёевни ҳақоратлаб, изоҳ ёзган йигит 5 йилга қамалди
