Тошкентда ягона транспорт картаси пулли бўлди

Жорий йилнинг 1 декабридан бошлаб "Автоматлаштирилган транспорт тўлов оператори" (АТТО) компанияси томонидан ягона транспорт картасини 5000 сўм нархида сотиш акцияси тугатилди. Бу ҳақда "Тошшаҳартрансхизмат" АЖ ахборот хизмати хабар бермоқда.

Қайд этилишича, 2020 йилнинг 1 декабрдан бошлаб шаҳардаги ойлик йўл чипталари сотиш шохобчаларида "Автоматлаштирилган транспорт тўлов оператори" транспорт картасининг баҳоси 15 000 сўм деб белгиланди.

Маълумотга кўра, ушбу миқдорга қуйидагилар кириши назарда тутилган:

• карта нархи - 10 000 сўм;
• карта балансида - 5000 сўм.