Ижтимоий тармоқларда 24 январь, жума куни Тошкент архитектура-қурилиш институтида хона шифти кўчиб тушганига доир видеохабарлар тарқалди. Ушбу ҳолат юзасидан Қурилиш вазирлиги матбуот хизмати изоҳ берди.
Маълум қилишларича, видеода акс этган ўқув хонаси Шайхонтоҳур тумани Пахтакор кўчаси 3-уйда жойлашган бўлиб, унда 2019 йилнинг октябрь ойидан бери дарс машғулотлари олиб борилмайди, бинонинг ўзи капитал таъмирлаш манзилли дастурига киритилган.
«Бино 1950 йилда қурилган. Капитал таъмирга муҳтож мазкур бинонинг 3-қаватидаги 310-аудитория шифти осилиб қолгани сабаб, 2019 йил октябридаёқ ёпиб қўйилган», — дейилади Қурилиш вазирлиги ахборотида.
Алоҳида қайд этишларича, Тошкентда 24 январь куни кундузи кузатилган 2—3 баллик ерости силкинишлари оқибатида хонадаги осилиб қолган шифтнинг 5 квадрат метри кўчиб тушган.
«Ҳолат юзасидан Қурилиш вазирлиги томонидан ФВВ ва Олий ва ўрта махсус таълим вазирлиги билан ҳамкорликда ишчи гуруҳи тузилди, воқеа жойига борилиб, вазиятни ўрганган ҳолда тегишли чора-тадбирлар амалга оширилмоқда», — дея қўшимча қилинган вазирлик ахборотида.
Ботир Қодиров Зоҳиршоҳ Жўраевни судга берди. Сабаби маълум (ФОТО)
Озодбек Назарбеков Ботир Қодиров ва Жўраевлар ҳақида: “Учта тирранча буюк санъаткорни лойга булғамоқда”
Иқтисодий жиҳатдан Молдова фақат Россия билан ҳамкорликда ривожлана олади
