Тошкент метросида йўловчи аёл поезд йўлига тушиб кетди. Бу ҳақда метрополитен матбуот хизмати хабар берди.
Маълум қилинишича, ҳолат 2 май куни соат 21:35 атрофида “Ғафур Ғулом” бекатида содир бўлган. Бекатга 40-сонли ҳаракат таркиби кириб келаётган пайтида йўловчи аёл эҳтиётсизлик оқибатида йўлга тушиб кетган.
Машинист тезкор ва аниқ ҳаракат қилиб, ҳаракат таркибини зудлик билан тўхтатган ҳамда хавфсизлик чораларига тўлиқ риоя этган.
Дастлабки маълумотларга кўра, фуқаро жиддий тан жароҳати олмаган. У тез тиббий ёрдам ходимлари томонидан кўрик учун олиб кетилган.
Қўшимча қилинишича, ҳодиса метро ҳаракати жадвалига таъсир кўрсатмаган, барча поездлар белгиланган жадвал асосида ҳаракатланган.
Зеленский Путиннинг Ғалаба байрами муносабати билан сулҳ эълон қилиш ғоясига муносабат билдирди
АҚШда Россиянинг Т-72 танки дунёдаги энг яхши танклардан бири деб топилди
Эрон яҳудийлари етакчиси Оятуллоҳ Хоманаийга содиқлик билдирди
