“Торино”, “Лилль”, “Байер” ва “Вальядолид” Шомуродовга даъвогарлик қилмоқда

“Рома” ҳужумчиси Элдор Шомуродов фаолиятини бошқа клубда давом эттириши мумкин, дея хабар бермоқда журналист Николо Скира.

Манбага кўра, 27 ёшли ўзбекистонлик футболчига “Торино”, “Кремонезе”, “Специя”, “Лилль”, “Байер” ва “Вальядолид” даъвогарлик қилмоқда. Рим клуби футболчи учун 13-14 миллион евро олмоқчи.

Шомуродов жорий мавсумда 8 та ўйин ўтказиб, 1 та гол уришга муваффақ бўлди. Transfermarkt портали футболчини 7 миллион еврога баҳоламоқда.